ChoiceFairy-Akureyrensis

Blogg blogg blogg og meira blogg...

2008-08-11T14:25:00.002+02:00

Þegar ég skrifaði titilinn þá áttaði ég mig á því að ég er farin að syngja svo margt, flestar setningar sem ég segi, ég finn eitthvað lag með þeim. Birkir hefur gaman af því þannig að ég læt hugmyndina um að þetta sé merki um geðveilu sem vind um eyru þjóta.

Síðustu helgi var mikið gaman, mikið stuð. Við fórum á ættarmót hjá fjölskyldunni hans Helga. Það var haldið á Ólafsfirði og endaði svo á sunnudeginum með kaffiveislu í Höllinni (veitingastaður á Ól) í boði Hönnu gömlu sem var áttræð. Þarna voru flestir af nánustu ættingjum Helga mættir og margir hverjir að sjá prinsinn í fyrsta skipti þannig að þetta var heilmikill sýningartúr og auðvitað var fólk yfir sig hrifið af litla frændanum, enda ekki við öðru að búast.

Það er farið að dimma, mann langar bara að vera heima með kveikt á kertum á kvöldin og hafa það gott. Rútínan er farin að heilla mann, en ég held að það sé best að láta sig ekki hlakka of mikið til hennar heldur njóta þessara tveggja vikna sem eru eftir af sumrinu.

Sumarið er tíminn..

2008-08-06T18:27:00.003+02:00

Já, ég er ekki frá því að þetta sumar sé það besta hingað til! Veðrið hefur svo sem ekkert verið til að hrópa húrra fyrir alla dagana í sumar, en við búum nú á Íslandi og ég er nú bara ánægð með þetta. Ég held að það sé nú ekki hægt að kvarta þar sem við fengum þetta frábæra veður á landsmóti skáta sem var haldið hérna rétt við bæjardyrnar og við familían skelltum okkur í útilegu, fyrstu útileguna hans Birkis. Við vorum í fjölskyldubúðum og það er ekki laust við að það hafi verið hörkustuð! Allavegana hefur það verið ákveðið að þetta verður endurtekið á næsta móti og líklega verður það heldur fjörugra þar sem það voru þrír grísir þarna fæddir 2008 og einn grís fæddur 2007 þannig að það verður stuð þegar þau verða þriggja og fjögurra ára. Svo verða nú kannski fleiri komin í hópinn.

En já, sumarið er bara búið að fara í að knúsast og kúrast og fara út að labba, voðalega notalegt. Ég segji það samt ekki að ég er nú alveg fegin að það er að koma haust, Helgi verður meira heima og ég fer að hafa meiri samskipti við fólk sem getur svarað mér:) Það eru kostir og gallar við haustið, ég fæ beyglurnar mínar aftur norður, en Una, Þórunn og Lilý fara. Það hefur alltaf verið leiðinlegt, en er enn leiðinlegra núna þegar þær missa af svo miklu hjá Birki. En það er bara eins gott að þær verði duglegar að koma norður;)

Ég er núna að læra á fullu, ákvað það í lok júlí að skella mér í eitt ágústpróf. Ásta Lilja er svo dugleg að hún fer út að labba með Birki 2 tíma á hverjum degi á meðan ég sekk mér ofan í glósurnar. Ef að þetta próf fer eins og ég vona þá þarf ég ekkert að sitja áfangann í vetur og létti þar með undir fyrir næstu önn. Það er líka kannski eins gott þar sem ég hef heyrt að hún sé svolítið strembin.

Ofnklukkan hringir og barnið kallar!

Lífið eftir barnsburð..

2008-05-13T15:50:00.003+02:00

Jæja, ætli maður verði ekki að henda hér inn nokkrum línum um það hvernig lífið er að leika mann.
Seinni partinn 21. apríl fór ég að finna verki, ég áttaði mig á því að nú væri þetta að fara að byrja og pakkaði saman skóladótinu því ég sá ekki fram á að læra mikið meira fyrir prófin. Til að gera langa sögu stutta, kom sá stutti í heiminn 15:23, 22. apríl. Reyndar var hann ekkert svo stuttur, hann var 56cm og 4160gr takk fyrir pent. Fæðingin gekk vel og mænudeyfingin bjargaði lífi mínu. Þegar pjakkurinn var svo 6 daga fór ég í fyrsta prófið af 3. Þegar hann var svo tveggja vikna lauk þessu erfiða tímabili í lífi mínu, og ég gat farið að einbeita mér algjörlega að honum. Það var nú ljúft. Ég verð nú að segja að ég get ekki kvartað yfir litla snáðanum þar sem hann sefur bara og drekkur, eitthvað hefur maginn þó verið að angra hann núna síðustu dagana, en almennt er hann bara eins og hugur manns. þegar hann var 17 daga var hann búin að þyngjast um 650gr og ég segji bara geri aðrir betur, hann ætlar greinilega að verða stór og stæðilegur strákur:)
En ég ætla nú ekki að gera þetta að neinni barnalandssíðu, né heldur ætla ég að stofna eina slíka og því verður fólk bara að kíkja í heimsókn til okkar ef þeim langar að hitta kauða, við erum yfirleitt heima en ekki vitlaust að taka upp símann og hringja á undan sér.

11. apríl...

2008-04-11T18:02:00.000+02:00

Mér finnst eins og ég hafi ætlað að gera eitthað í dag.

Alveg punkteruð!

2008-04-07T20:57:00.002+02:00

Já, ég er sko alveg búin á því!
Ég hefði kannski átt að vera að læra í dag, en ákvað að gera það ekki, við sjáum til seinna hversu gáfuleg ákvörðun það var. Ég tók daginn snemma og fór í mæðraskoðun, voooonandi þá síðustu, og fór svo í klippingu og litun, ekki vil ég nú að barnið kynnist mömmu sinni ljótri;)
Þegar ég kom svo heim upp úr hádegi var mér alveg nóg boðið draslið hérna svo ég ákvað að vaska upp og gera aðeins heimilislegra hérna. Áður en ég vissi af var ég búin að vaska upp, þrífa ruslaskápinn, taka ísskápinn í gegn, henda öllu út úr forstofunni - þrífa og inn með allt aftur, taka til í blaðakörfunni, búa um og skúra inn í svefnherbergi, þurrka af í stofunni, þvo 3 vélar og hengja út og brjóta saman, þrífa baðherbergið og skúra alla íbúðina og klukkan orðin hálf sex. Þegar ég settist svo loksins niður var ég sveitt og þreytt. Ég er alveg úrvinda núna. Ef að þetta kemur þessu barni ekki út, hvað gerir það þá?

Ahhhh...

2008-03-19T10:15:00.002+01:00

Verknámið er búið, enn hvað það er gott! Ég þarf bara að mæta á einn umræðufund núna á eftir og klára annað verkefnið sem fylgir og þá er þetta búið. Ekki það að það muni taka neitt sérstaklega rólegir tímar við. Nú er eins gott að fara að láta hendur standa fram úr ermum og fara að hella sér í námsefnið ef ég ætla að ná þessum blessuðu prófum í vor. Ég ætlaði að vera voðalega dugleg í verknáminu, ég segji svo sem ekki að ég hafi ekki verið dugleg, en þau skipti sem ég hafði einhverja orku eftir daginn var ég að gera verkefni sem tengdust verknáminu. En nú er ég komin í páskafrí og ætti að hafa nægan tíma til að læra, ég er nánast í fríi til 8. apríl, þarf að mæta í skólann 31. mars og svo ekkert aftur fyrr en 8.
Ég nenni ekki að blogga um kreppuna sem allir tala um, ætla bara að segja Guði sé lof að við tókum ekki lán í erlendri mynt eins og við vorum að hugsa um! Þetta er rosalegt.
Jæja, ég ætla að reyna að sóa ekki þessum degi í eitthvað rugl, ég er ekki viss um að ég verði voðalega ánægð ef ég byrja þessa prófatíð í vor vitandi jafn lítið og ég hef oft áður vitað í upphafi prófa.

2008-03-04T19:32:00.003+01:00

Ég fór í búð í gær. Verslaði bara þetta helsta, var komin með vel í körfuna þegar ég fór að kassanum og hugðist borga. Þetta gekk allt sinn vanagang og ég týndi vörurnar á færibandið og borgaði svo, en þótti þetta svo frekar dýrt miðað við það sem ég keypti. Þegar ég kom heim fór ég að skoða kvittunina og sá þá að harðfiskurinn sem ég hafði hent í körfuna í mesta sakleysi mínu kostaði 2500 krónur! Hvernig má það vera, það er bara fjárfesting að kaupa harðfisk... úff, ég tími varla að borða hann!

Æ, tók mér svo langa bloggpásu þegar ég fór í slúðursímtal við Þórunni að ég datt úr öllum gír...

Allt að verða vetlaust...

2008-03-01T00:27:00.002+01:00

Það er svo mikið að gera þessa dagana að maður veit ekki alveg á hverju maður á að byrja! ég er semsagt byrjuð í verknámi á handlækningadeildinni á FSA og ótrúlega er það gaman! Ég er samt líklega eini neminn sem er strax farin að telja niður vaktirnar sem eru eftir, ekki af því að mér leiðist þetta, heldur af því þetta er nú frekar erfitt með sístækkandi bumbu... Það er svo sem ekki skrokkurinn sem segir nei, ég er bara svo ótrúlega lúin þegar ég kem heim að ég þarf að leggja mig 2 - 3 tíma og þrátt fyrir það sofna ég á skikkanlegum tíma á kvöldin!
En þetta er alveg ótrúlega gaman og lærdómsríkt.. ég er búin að fá að setja upp þvaglegg, fara með í segulómun (sem er sko alveg eins og í House!) og margt fleira sem er líklega óviðeigandi að blogga um vegna þagnarskyldu. En vá hvað þetta er krefjandi starf, ekki síður andlega en líkamlega!
Ég sé fram á lónlí helgi, Helgi fór suður með strákunum að sletta úr klaufunum, þetta var það lengsta sem hann fékk að fara á meðan strákarnir stinga svo af til Sölden í fyrramálið. Ætli Helgi komi ekki til baka með einhverjar barnavörur, þar sem þær eru einfaldlega ekki seldar á Akureyri, hvað er málið?
Nú er löngu komið fram yfir háttatíma fyrir bumbur, ætli það sé ekki best að vera úthvíldur fyrir morgundaginn, það getur tekið á að gera ekki neitt...

Úff...

2008-02-01T17:45:00.000+01:00

Nú er ég alveg punkteruð! Það er nú kannski frekar skrítið þar sem að ég fékk loksins rúm í fyrradag og sef þú ekki lengur á dýnu á gólfinu. Á miðvikudagskvöldið kom Helgi með rúmið ósamansett heim og við fórum í það að koma því saman og auðvitað þurfti að skúra og svona í leiðinni. Við ákváðum þá fyrst að við værum að stússast þetta á annað borð þá myndum við bara taka niður hillurnar í leiðinni þar sem það mun ekki vera pláss fyrir þær þegar barnarúmið kemur. Þá kom upp höfuðverkur um það hvað við ættum eiginlega að gera við allt dótið, myndirnar og bækurnar sem voru í hillunni. Sá höfuðverkur er eiginlega enn til staðar þar sem það er nú bara hérna í stofunni út um allt. Við grynnkuðum svo eitthvað á þessu í gærkvöldi og þegar ég skreið þreytt upp í rúm í gær var það síðasta sem ég sagði við Helga: ég ætla sko að sofa út á morgun.
Í morgun byrjaði síminn minn með læti, ég skyldi ekkert í þessu, hélt að ég hefði óvart stillt vekjaraklukkuna eða eitthvað, en nei, þá var bara verið að hringja í mig úr vinnunni til að athuga hvort að ég gæti tekið aukavakt! Ég og mín samviska gátum ekki sagt nei þannig að ég reif mig á fætur þarna uppúr 7 til að fara að vinna. Þegar ég kom í vinnuna frétti ég það að það höfðu 8 starfsmenn hringt sig inn veika þennan morguninn og það náðist bara að fá 4 á aukavakt. En það var ekki bara starfsfólkið sem lá, heldur er þvílíka magapestin að ganga á deildinni að öðrum gangnum var bara lokað og fólki skipað að halda sig inn í herbergi til að það myndi nú ekki dreyfa þessum óþverra. En sökum þess hvað við vorum fáar gátum við ekki einu sinni baðað þau sem áttu að fara í bað.
Og nú er ég komin heim og er alveg dauðlúin!

Nýtt útlit..

2008-01-28T17:12:00.000+01:00

Já, ég ákvað að gerast svo djörf að ráðast á það ein míns liðs að setja nýtt útlit á síðuna hérna, hitt var orðið þreytt. Mig rekur minni til þess að síðast þegar ég gerði það hafi ég þurft að biðja Unu að hjálpa mér svo að allir linkarnir týndust ekki, en nú er þetta orðið algjörlega imbafrítt, og sko mig, mér tókst þetta! Ástæðan fyrir því að ég fór í þetta algjörlega þarfaverk í dag var sú að í matarpásunni þá ákváðu allir að fara heim, sem er mjög óvanalegt. Þannig að ég var bara ein eftir upp í skóla af því að ég nennti ómögulega heim, þar var ekkert skemmtielgt sem beið mín. Að sitja einn í matsalnum er frekar sorglegt, nema ef maður hefur eitthvað fyrir stafni, því tók ég tölvuna og sökkti mér ofan í þessar breytingar. Það sem er jafnvel sorglegra en að sitja einn í matsalnum er að sitja þar einn og borða, en Þórunn bjargaði mér frá þeim örlögum með því að hringja í mig, þannig að þetta leit nú ekki allt eins illa út og það hljómar ;) En afrakstur þessa hádegishlés var sumsé breytt og betra blogg.
Læt þetta duga í bili, ruslið og draslið hér í íbúðinni minni hreinlega kallar á mig að taka til...

Íslendingar....

2008-01-21T17:00:00.000+01:00

Hvað er málið með Íslendinga? stundum skilur maður ekki alveg hvað þeir eru að spá! Í þessu samhengi er ég ekki að tala um það hvernig þeir eru að standa sig í tuðrukasti á EM heldur er ég að tala um Bobby Fischer og allt málið í kringum hann. Að einhver skuli reyna að fá það í gegn að láta grafa kallinn a Þingvöllum við hlið Einars Ben er líklega ein sú fáránlegasta hugmynd sem ég hef heyrt! Halldór Kiljan Laxness er ekki einu sinni grafinn þar, er verið að segja það að Bobby Fischer hafi verið þvílíkur heiðursmaður að hann eigi frekar að vera þarna. Og ekki nóg með það þá var verið að tala um að sjónvarpa athöfninni. Já, við skulum alveg endilega eyða skattpeningum landans í það, ég hefði nú haldið að þeir sem hefðu áhuga á því að fylgja þessum manni til grafar geti bara gert sér ferð og verið viðstaddir útförina. Ég á bara ekki til eitt aukatekið orð yfir þessum fíflaskap. Þessi maður var búinn að vera íslendingur í 2 ár eða eitthvað og ekki borgað svo mikið sem krónu til íslenska ríkisins.
Svo er það annað, forsetakosningar. Það á bara að banna þessum trúð að bjóða sig á móti Ólafi, það er ekkert smá dýrt fyrir landið að fara að halda kosningar sem eru með öllu tilgangslausar því að það veit það hver heilvita maður að hann vinnur ekkert Ólaf. Þetta er bara svooo kjánalegt.
En þeir eru nú að standa sig ágætlega þarna úti í Noregi, komust allavegana áfram í milliriðilinn, þó svo að það hefði nú verið betra að hafa með sér einhver stig. Mætum Þjóðverjum á morgun, vonum bara að þeir massi það.

Farvel 2007

2008-01-04T19:18:00.000+01:00

Árið byrjaði hreint ekki illa, ég komst áfram í hjúkrunarfræði í Háskólanum. Ég var góð með mig, þóttist geta þetta án þess að læra. Þessi vorönn fór í dól og almenna leti. Ég þjáðist af post clausus syndrom sem lýsti sér í því að ég opnaði ekki skólabók alla önnina, ég hlustaði ekki í tímum og ég svaf í sófanum á daginn. Á þessari önn fórum við í verknám og fengum smjörþefinn af því sem við ætlum að vinna við í framtíðinni. Ég byrjaði líka að vinna á elliheimilinu með skólanum og hélt þar áfram um sumarið. Þar líkaði mér vel. Ég grét hluta sumars yfir því að komast ekki á alheimsmót skáta sem var haldið svo stutt frá okkur. Stuttu fyrir mót tókum við Una og Rakel svo skyndiákvörðun um að skella okkur. Ég sé ekki eftir því. Þetta var þó erfið vika, unnum á daginnn í hitanum og sváfum svo í tjaldi og ég með hálf lélega dýnu. Ég fékk vott af kvefi undir lokin og varð hálfdrusluleg. Ég veit ekki hvort að það megi rekja það til þess að ég var nýorðin ólétt og vissi enn ekki af því. Ég hélt svo bara mínu striki í vinnunni þegar heim var komið þangað til í lok ágúst, þá byrjaði ég að æla og ég hætti því ekki fyrr en í oktober. Það var alveg ótrúlega gefandi tími. Ég sem ætlaði að vera svo dugleg að læra, en ég bara gat það ekki því mér var svo óglatt alltaf hreint, og svo þegar ógleðin dvínaði þá var ég komin svo langt á eftir og það var svo margt að gera að það var alveg eins gott að ýta þessu bara áfram á undan sér. Þegar stutt var liðið á haustið var mér boðið að fara til Póllands fyrir fræðsluráð bandalags íslenskra skáta, ég þáði það auðvitað og skemmti mér bara ágætlega þrátt fyrir óendanlega langt ferðalag og ótrúlega vondan mat. En það er alltaf gaman að hafa komið til Póllands ;) svo þaut þessi önn framhjá á óhugnandi hraða og ein versta próftíð sem ég hef upplifað tók við. Það er ekki gaman í próftíðum þegar maður er svona illa undirbúinn. Þess vegna ætla ég að vera svooo dugleg á næstu önn. Svo komu jólin, þau voru góð í faðmi vina og fjölskyldu. Ég var svo að vinna á áramótunum, það er svo sem ekki slæm upplifun. Nú er árið 2008 komið og ég hef bara góða tilfinningu fyrir því.

En þetta var svona stiklað á stóru yfir hvað gerðist á árinu 2007. Árið 2008 verður án efa mun viðburaðrríkara.

En þessi jól hafa verið góð. Við Helgi vorum heima hjá mömmu og pabba á aðfangadagskvöld, það var ágætt að þurfa ekki að hafa áhyggjur af matnum, það er svo öruggt að hann sé góður ef að mamma eldar hann, ætli þetta gerist bara? að þegar maður verður mamma þá læri maður að elda svona góðan mat, það hlýtur að koma í ljós. Svo kom Una og hún er búin að gista á stofugólfinu hjá mér síðustu vikuna, það er búið að vera gott að hafa hana og aðra vini sem hafa að jafnaði aðsetur sitt í borg óttans.

Bis Später...

að blogga eða ekki blogga...

2007-12-09T11:52:00.000+01:00

..það er spurningin.

Það gæti þó ekki verið betri tími til að gera það heldur en akkúrat núna þegar ég er í prófum. Ég er búin með 4 af 6 og yfirleitt þegar þannig er komið þá er maður bara nokkuð rólegur því að erfiðustu prófinu eru oftast fyrst. En það er ekki þannig núna, ég á eftir að fara í félagsfræði og sálfræði. Félagsfræðin er frumlestur á efninu þannig að ég er ekki bjartsýn á það próf og sálfræðin er frumlestur að hluta til, við tókum eitt hlutapróf í vetur. Við hjúkkurnar erum búnar að eyða síðustu tvemur vikum upp í Valhöll að læra, þar er ekkert net eða annað sem getur truflað okkur, við tímum varla að taka matarpásur svo æstar erum við í lærdómnum. Einn daginn vorum við svo æstar að við sátum í 12 tíma með kannski svona 2 matarpásum og 2 pissupásum og þegar ég kom heim var ég með bjúg á fótunum takk fyrir pent! Eftir þetta fórum við að verða aðeins meðvitaðri um mikilvægi þess að standa aðeins upp. En þetta er búin að vera frekar erfið próftíð þar sem kroppurinn er farinn að finna aðeins fyrir þessari auka manneskju og mér er verður svo illt í bakinu við að sitja svona lengi, en það er víst ekki um annað að ræða. Ég fékk í afmælisgjöf tvö gjafabréf í nudd og ég á tíma 13. des klukkutíma eftir prófið, mm mm mm hvað það verður næs! svo ætla ég að eiga hinn tímann til góða. Hver veit nema að ég splæsi bara á mig fleirum ef ég er að fíla þetta í botn.
En mér er víst ekki lengur til setunnar boðið, allavegana ekki hérna fyrir framan tölvuna, ætli það sé ekki best að reyna að klára þessa próftíð af þó svo að það sé kannski ekki með stæl.

Á næstu önn....

2007-11-08T12:16:00.000+01:00

Suðurferðin gekk vel, stóráfallalaust fyrir sig. Keyrðum rólega suður sökum veðurs en það var bara gaman, bílaleikir og skemmtilegheit. Föstudagurinn fór í verslunarleiðangur það var gaman, við gátum eytt alveg helling af peningum og komum hiem klifjuð af fötum. Kvöldið var rólegt, horfðum á útsvar og svo sænskan glæpaþátt. 100 ára skátastarfi var svo fagnað í Fífunni og þeir 4 tíma sem ég var þarna voru líklega hápunktur ferðarinnar! þetta var geggjað gaman. Um kvöldið var svo spilað, við Þórunn unnum teiknispilið með stæl og fórum sælar að sofa. Á sunnudagsmorgninum fórum við svo í keilu og við unnum keilumól Klakks 3. nóvember 2007.
Vikan er ekki búin að vera góð, hún er svo sem búin að ganga stóráfallalaust fyrir sig en það er sko nóg að gera, undirbúa árshátíð og vinna að tveimur hópverkefnum sem á að skila á þriðjudaginn.
Ég kúplaði mig út úr þessu öllu um daginn og setti jólalög á fóninn og leyfði mér að hlakka til jólanna.

Meiri snjó, meiri snjó, meiri snjó!

2007-10-30T20:28:00.000+01:00

mmm! það er kominn snjór! það er bara orðið jólalegt úti og ég þarf að passa mig á að fara bara ekki að syngja jólalög, mm ég hlakka til þegar þau fara í spilun. Ekki það að ég hef eiginlega ekki tíma til að hlakka til jólanna fyrr en þau eru bara komin, en það þýðir þá líklega að ég þurfi ekki að bíða eins lengi eftir þeim.
Við erum í heilsusálfræðiáfanga í skólanum, hann er byggður upp með tveimur hlutaprófum og einu lokaprófi. Við þreyttum fyrra hlutaprófið síðasta mánudag og við stelpurnar eyddum helginni sveittar í bústað á Illugastöðum við að læra fyrir það. Prófið var svo 10 krossar, 7 skilgreiningar og 2 ritgerðir. Mér gekk vel í krossunum, ekki eins vel í skilgreiningunum, vissi bara 4 af 7 og svo átti að velja eina ritgerð og mér gekk vel með hana. Þegar ég kom svo fram eftir prófið þá var verið að ræða það eins og gengur og gerist og þá kemur það upp úr dúrnum að það átti bara að svara 4 af 7 skilgreiningum! Ég fór að tala við kennarann eftir á til að útskýra fyrir honum þessi mistök mín sem fólust í því að ég las ekki leiðbeiningarnar og ég las heldur ekki yfir prófið því að ég þurfti að flýta mér svo mikið út því að ég var alveg að pissa á mig og ég vissi ekki hvort að hann myndi leyfa mér að fara á klóið í svona litlu prófi. Hamn sagðist líklega þurfa að láta fyrstu 4 gilda, sem er sorglegt af því að ég kunni fyrstu skilgreininguna og svo 3 síðustu. Sorglegt, ég grét næstum af pirringi.
Það stefnir allt í suðurferð á föstudaginn, jibbí.

Rembingur!

2007-10-24T21:53:00.000+02:00

já, ég er alveg að rembast, rembast í þessum blessaða skóla, rembast við að blogga við og við, rembast við að halda uppi skátastarfi, rembast við að borða hollt og hreyfa mig!
En ég nenni nú ekki að tala um það þessi fáu skipti sem að ég kem hérna inn. Það sem ég nenni hinsvegar að tala um eru rimlagardínur! hvað er málið með rimlagardínur. Það sem að mér finnst verst við þær er það að það er svo svakalega leiðinlegt að þrífa þær, það er alveg bara drep, maður stríkur ekkert bara af rétt í leiðinni af því að maður er með tuskuna á lofti, nei þetta er eitthvað sem að þarf að taka sér bara dag í! Það er annað með rimlagardínur, þegar maður skrúfar fyrir þær þá er hægt að gera það á rétta vegu og ranga vegu. Af hverju myndi fólk skrúfa fyrir þær á ranga vegu? það bara skil ég ekki. Ég hef nú oft rætt þetta við hann unnusta minn og hann bara skilur ekki að þetta sé mér svona mikið mál. Þegar ég fer svo á fætur í morgun með allt á hornum mér af því að það var einhver helvítis andskotans grafa með þvílíkan hávaða hérna fyrir utan klukkan 8 í morgun og ég hafði gert ráð fyrir því að sofa til 9. En jæja, ég kem fram og hvað er það fyrsta sem ég sé, það er dregið fyrir gluggan í stofunni á rangan hátt. jiminn eini ég veit ekki hvert ég ætlaði.

Þvílík viðbrögð!

2007-10-06T10:56:00.000+02:00

En jæja, ég er svo uppveðruð eftir þessi komment (veit að þau hefðu verið 3 ef að það hefði ekki verið eitthvað tölvubögg hjá Þórunni) þannig að ég er bara að hugsa um að koma með aðra færslu! Og í þessari færslu ætla ég að segja söguna af því þegar ég hélt að ég væri gengin af göflunum!

Það var hérna einn morguninn, miðvikudagsmorguninn nánar tiltekið að ég var í fríi í skólanum og ein heima. Þegar ég vakna fer ég fram í eldhús til að fá mér morgunmat og fyrir valinu verður ristað brauð og te. Þegar ég drekk te þá nota ég alltaf örlitla mjólk útí. Eftir að ég er orðin södd og sæl þá geng ég frá því sem ég notaði, set brauðið upp í skáp og mjólkina inn í ísskáp. Þetta er svo sem ekki til frásagnar, nema hvað að svo seinna um daginn ætla ég að fara að næra mig aftur eftir að hafa setið inn í stofu og lært og ég fer inn í eldhús og næ mér í það sem ég ætla að nota og sest niður. Þegar ég er að opna mjólkurfernuna þá fer ég að hugsa, ég kláraði ekki fernuna sem að ég drakk úr í morgun! hmmmmm, ég kíki inn í ísskáp til að athuga hvort að mér hafi bara yfirsést hún (nei við eigum ekki amerískan ísskáp þannig að líkurnar á því eru hverfandi). En hún var ekki þar. Það var þá sem ég fór að velta fyrir mér hvort að allt væri með felldu þarna upp hjá mér! Ég settist bara aftur og fór að borða en ég bara gat ekki einbeitt mér. Ég varð að vita hvernig þetta mjólkurmál væri. Ég stóð upp og ég kíkti inn í alla skápa í eldhúsinu, til að vita hvort að ég hefði kannski sett hana inn óvart. En hún var hvergi. Ég varð að láta mér þá niðurstöðu næga og kláraði að borða. Eftir matinn fór ég svo bara að læra þegar ég fattaði allt í einu hvað varð um mjólkina! Ég mundi það að þegar ég sat inní stofu að læra þá hafði Helgi komið heim og fengið sér að borða, og ég var bara búin að steingleyma því! Jiminn eini hvað ég var glöð að ég væri ekki að ganga af göflunum :)

Nú ætla ég að gera annan villtan hlut, jafnvel villtari en að blogga! Ég ætla í ræktina!

Draumar...

2007-10-05T14:17:00.000+02:00

haha, mig dreymdi að ég hefði bloggað hérna og ég þurfti að fara inn á síðuna til að athuga hvort að það væri rétt eða ekki.. það er alveg ótrúlegt hvað draumar geta verið raunverulegir! Reyndar var sá sem mig dreymdi í nótt ekkert svo líklegur til að gerast, ég var riddari og hesturinn minn var "gyllti skjóturinn" sem þýddi það að ég var alltaf fremst þegar við (ég og herlið mitt) fórum eitthvað. Í nótt vorum við nú ekkert í sérstaklega ögrandi verkefni, við vorum að fara í kökuboð í kastala þarna rétt hjá. Þegar við vorum komin þangað þá var enginn til að taka á móti okkur og við vissum ekkert hvert við áttum að fara með hestana og þetta var allt hin mesta ringulreið. En svo fór allt saman vel og við fundum hesthúsin og gátum sest og fengið okkur kökur... skrítinn draumur...

En hvað um það, nú er ég komin hérna og byrjuð að skrifa, ég gæti allt eins skrifað einhverjar raunverulegar fréttir af mér.. eða nei annars, ég geri það næst, ég er ekki viss um að einhver fari enn hérna inn, nema kannski Una í von og óvon!

Mikið lifandi skelfingar ósköp líður þessi tími hratt..

2007-05-14T02:08:00.000+02:00

Mér finnst eins og það hafi verið í fyrradag sem að ég mætti í HA á efnafræðinámskeið hjá Sigga Bjarklind og þekkti engan. Það er eins og það hafi verið í gær sem að ég fékk út úr prófunum og komst að því að ég hefði komist áfram, af þessu má leiða að jólin koma á morgun. En ég er ekki búin að blogga hérna lengi, enda allir löngu hættir að leggja leið sína hingað. Ég er búin að lifa önn svefnsins, ég held að ég hafi aldrei sofið eins mikið eins og á þessari önn, ég svaf út í eitt í janúar og febrúar, sem er mjög skrítið því að ég hef aldrei fundið neitt sérstaklega fyrir þessari skammdegisþreytu. Bendir þetta til þess að ég sé að verða gömul? Ég hugsa ekki, enda er ég nú búin að fá 2 hint um það að ég sé ekki gömul nú á síðustu dögum, það fyrra var að ég fékk sent heim frá stjórnmálaflokkunum blaðsnepil sem að óskaði mér til hamingju með kosningarréttinn, þar sem ég var ekki komin með aldur til að kjósa í síðustu alþingiskosningum. Hitt var svo þegar við Brynhlidur ætluðum að kíkja á Kaffi Amour á föstudagskvöldið og við vorum beðnar um skilríki. En meira af þessari önn. Ég sem sagt svaf og horfði á þætti á netinu, daginn út og daginn inn. Af þessu má leiða að ég lærði ekki mikið á þessari önn, ég lærði bara ekki neitt. Það kom sér illa núna rétt eftir páska þegar ég komst að því að ég væri að fara í próf (alveg ótrúlegt hvernig svona stór staðreynd getur farið fram hjá manni).En svo komu prófin, á meðan á þeim stóð eyddi ég degi og nótt með hjúkkubeyglunum mínum upp á Hömrum, í þrjár vikur samfleitt hittumst við, þreyttar, hressar, ljótar, sætar, úldnar, svangar, veikar, glaðar og ánægðar. Það voru fáar afsakanir teknar gildar, það var helst bara ef þú þurftir að fara að eignast barn, sem ein okkar gerði. En nú bíður sumarið eftir mér, ég hlakka bara til, ég verð í 80% vinnu upp á Hlíð og sé fyrir mér að geta gert eitthvað í sumar í fyrsta sinn síðan ég var lítil og vitlaus. En ætli það endi nú samt ekki með því að maður hafi alveg nóg að gera, vinna vaktavinnu, hluti af júní fer nú í að pakka og hluti af júlí í að afpakka, ég hlakka til :)

Mig langar í péninga...

2007-05-06T22:46:00.000+02:00

ég var alveg að því komin að kaupa mér happdrættismiða í dag vegna þess að mig langar svo í péninga.. mér finnst alveg ótrúlega leiðinlegt að vera blönk. Svo fór ég að skoða hvernig þetta hefur komið út hjá mömmu og pabba síðustu 10 ár og þá er ég að sjá að þau eru í 18 þúsund króna tapi að meðaltali á ári, þrátt fyrir að þau hafi fengið 100.000 einu sinni. Ég hugsa að ég fjárfesti ekki í þessu á næstunni.
ég er búin með 3 próf af 6, en mér hefur aldrei gengið eins illa í próftíð, ég ætla bara að vona að ég nái, ég nenni alveg ómögulega að fara í upptökupróf! en við sjáum nú bara til, ég ætla að vona að ég fái út úr þessu sem fyrst. Svo hlakka ég bara til sumarsins, það er eins gott að það verði sól og blíða alla daga! þetta verður sumar útilega og hollustu, sumarið sem ég mun hvílast og hugsa um sjálfa mig! vá hvað ég hlakka til!
Nú eru allir að læra í kringum mig þannig að ég er að hugsa um að reyna að gera það líka, reyna að fækka upptökuprófunum sem ég þarf að taka :)

Þetta ætti að vera bannað!

2007-05-01T12:18:00.000+02:00

Ég hélt að þeir dagar væru liðnir sem að maður þyrfti að vera að læra fyrir próf í steikjandi hita! hvað á það að þýða að það sé bara bongó blíða í apríl! Ég er bara upp á Hömrum með beyglunum að læra og reyna að læra þessa #%"%#&" fósturfræði. má ekki vera að því að blogga eitthvað svona, því að þá fell ég í þessu prófi :s

Margt að ske..

2007-03-23T09:08:00.000+01:00

Það er sko margt búið að gerast síðan ég bloggaði hérna síðast. Helst í fréttum er líklega það að við erum búin að segja upp leigunni og svo gott sem búin að kaupa íbúð. Hún er í Hrísalundi, svalablokkinni. Hún er tveggja herbergja, 67 fermetrar. Okkur lýst bara vel á þetta allt saman, fórum suður síðustu helgi og kíktum í búðir, IKEA! vá við sáum svo mikið sem að okkur langaði að kaupa!
Ég er svo sem ekki með fleiri svona svakalegar fréttir. Hmm kannski er ég bara ekki með neinar fréttir í viðbót, allavegana ekki sem að ég man eftir eins og er.

Jeij!

2007-03-04T17:27:00.000+01:00

Mér tókst það! mér tókst að búa til myndasíðu, sjibbí!

slóðin inn á hana er www.picasaweb.google.com/choicefairy

Árshátíðin var í gær, það var alveg ótrúlega gaman fyrir utan marðar tásur og skemmda heyrn. Palli þeytti skífum langt fram á nótt og greinilega hefur það heillað öll börn í bænum, því að það var ekkert annað en einhverjir smákrakkar þarna, og nóg af þeim! En þetta var samt alveg ótrúlega gaman og skemmtiatriðið okkar sló í gegn! En nú ætla ég að halda áfram að setja inn myndir ;)

-Valdís tölvugúru-

2007-02-25T00:54:00.000+01:00

Mér líst svo vel á það að Blómaval hafi flutt í húsið hjá Húsasmiðjunni, það þýðir að nú þarf fólkið sem á Kaffi rós að gera eitthvað til að laða fólk að og þau hafa fundið þvílíkt snilldarráð sem er að halda ýmsa markaði þarna. Um daginn voru þau með nærfatamarkað og þar fórum við Helga og birgðum okkur upp af brjóstahöldurum og svo var hún núna að opna nýjan markað með afgangsfötum frá Perfect, GS, gallerí og Fargo, dýrasta flíkin hjá þeim er 2.900! Það liggur við að það sé verðið fyrir að fá að máta í Fargo. Snilld.

Það sem er þó ekki jafn mikil snilld er það hvað er að verða um almenningsbókasöfn í landinu. Ég man þá tíð að maður gat fengið frítt Bókasafnskort hvar sem er og mig grunaði ekki að maður þyrfti einhverstaðar að borga fyrir annað en sektir og týnd kort. En annað kom nú á daginn hérna fyrr í vikunni þegar Una ætlaði að taka fyrir mig bækur sem voru til í Hafnafyrði og senda móður sína með hana norður, úr þessu varð alveg heljarinnar vesen sem endaði svo með því að Una fór fýluferð og ég þurfti að panta bókina í millisafnsláni. Piff.

Jæja, nú er ég búin að sitja í 10 mínútur og láta mér detta eitthvað annað merkilegt í hug til að segja en það kemur ekkert, ætli ég verði þá ekki bara að fara að sofa. Eða nei, ég man eitt! úff ég verð bara pirruð áður en ég næ að skrifa það. Í gær fór Helgi með föt niður í þvottavélina, hann ætlaði bara að setja í eina vél og hann sá að það hafði enginn pantað hana fyrir daginn þannig að hann stakk bara í eina vél og bókaði vélina ekki neitt, því að hann ætlaði ekki að nota hana. Svo þegar hann fór niður seinna um daginn til að ná í þvottinn, þá sér hann það að það hafði einhver tekið þvottinn úr henni og sett hann á bekkinn, af því að hann hefði ætlað að fara að nota hana, sem að hefði verið allt í lagi ef að hann hefði leyft henni að klára! þá hafði ófétið bara stoppað vélina af því að Helgi hafði ekki skrifaði þetta í bókina þannig að þvotturinn okkar lá bara þarna á bekknum óþveginn og rennandiblautur! Er það nú dónaskapur!

-Tschüss-

Læri læri tækifæri...

2007-02-18T15:25:00.000+01:00

Í dag hefur gefist tækifærið til að læra! Helgi er í burtu og ég er ekki að vinna. Ég svaf út og vaknaði fersk þannig að þetta hefði ekki getað verið betra. En ég ákvað að gera ekki neitt í staðin. Ég skoðaði allar síður á netinu sem mér datt í hug, tvisvar, talaði við Lilý á skype og kíkti svo aðeins aftur á helstu síðurnar. Nú er svo komið að ég er að fara í bollukaffi til múttu þannig að ég næ hreinlega bara ekkert að læra í dag, bömmer.
En talandi um bollukaffi, þá skal ég segja ykkur það að ég verð eiginlega að borða tvöfaldan skammt núna vegna þess að það eru tvö ár síðan ég fékk mér síðast bollur, það var ekki svoleiðis munað að fá í Sölden. Svo er að koma öskudagur, allir litlu krakkarnir búnir að hafa áhyggjur síðan í byrjun árs hvað þeir ættu eiginlega að vera og hvaða lög þau ættu að syngja, klukkan hvað á að fara á fætur og í hvaða búðir á að fara og síðast en ekki síst í hvaða liði þau ættu að vera. Það var nú ekki alltaf dans á rósum að vera lítill. Mig langaði alltaf að vera flugbangsi, fékk það aldrei. Það var sárt að verða stór og þurfa að hætta þessari hefð, við stelpurnar slepptum þó ekki alveg jafn snemma og aðrir, fórum í Brynju eitt árið og sungum fyrir ís. Næsta öskudag reikna ég ekki með að syngja neitt, sé ekki fram á að verða vör við hann af því að ég er orðin stór.
Í gærkvöldi vorum við með matarboð, eins og stóra fólkið gerir. Anna og Jens komu og borðuðu hjá okkur, ég vona að við höfum ekki sent þau heim með Salmonellu, kjúllinn sem við buðum upp á var næstum lifandi í fyrstu atrennu, honum var stungið í ofninn med det samme og ég vona að enginn hljóti skaða af.
Og að öðru, internetið er alveg stórhættulegur hlutur, það getur stolið fleiri klukkutímunum frá manni, síður eins og alluc.org og peekvid.com eru ekki sniðugar!
Þetta var allt, Helgi búinn í sturtu og við á leið í bollu!
-Valdís-

Hmmm

2007-02-15T22:01:00.000+01:00

Ekki getur verið að einhver viti hvað er um að vera hérna til hliðar í síðunni.. það er eins og blogger lesi ekki íslensku stafina og ég kann ekki að laga þetta, ég helt að þetta myndi kannski lagast af sjálfu sér eins og þetta brenglaðist af sjálfu sér, en svo virðist ekki vera..

Ohh tölvan mín er aftur búin að vera biluð og ég fór með hana í viðgerð og hún var þar í næstum viku og ég fékk hana ennþá bilaða til baka af því að það á eftir að panta eitthvað móðurborð til að setja í hana, ég ætla að vona að það muni ekki taka langan tíma. Rosalega hlýtur það að hafa verið einfaldara þegar það var ekki öll þessi tækni. Þegar gsm símar voru nýjung og þeir sem áttu svoleiðis voru alveg ótrúlega svalir með aukatösku undir símann og allr sem honum fylgdi. Í dag er það þannig að um 10 ára aldur eru flestir á 2 eða 3 símanum sínum. Þegar tölvur voru nýjung á heimilum og til að komast inn í það sem maður vildi þurfti maður að skrifa dos/leikir/tetris eða eitthvað álíka en nú eru allir komnir með xp og eitthvað sem að enginn kann á og ef það bilar þá þarf maður bara að bíða í viku! En allavegana, þetta er ekkert skemmtilegt raus, hinsvegar er gaman að hugsa til þess að þetta sem ég var að tala um var fyrir um það bil 10 árum, ég væri til í að geta kíkt 10 ár fram í tímann og séð hvað verður í gangi þá..

En allavegana.. ef að einhver kann að laga þetta linkadót þá væri það fínt :)

Passið ykkur bara..

2007-02-11T14:20:00.000+01:00

Já nú getið þið farið að vara ykkur! því í gær fórum við hjúkkurnar niður á FSA og fengum að stinga hvor aðra :) jebbs, nú kann ég að taka blóð úr fólki og hef í hyggju að fara niður í apótek og kaupa mér sprautur til að æfa mig heima.. Þetta var alveg magnað, svolítið ógnvekjandi í fyrstu, ég var alveg skíthrædd um að Helga myndi stinga mig til bana hreinlega, en hún stóð sig alveg með prýði kellan, ég er bara með smá marblett. Svo löggðumst við ein af annarri á bekkinn og þetta gekk eins og í sögu. EFtir það fengum við að fylgjast með öllu ferlinu, frá því að þetta var í litlum glösum, þar til að niðurstöðurnar voru komnar. En nú er ég að hugsa um að fara í afgangskökur i Byggðaveginum því að ég missti af þeim í gær ;)
ciao..

Undur og stórmerki

2007-02-04T14:14:00.000+01:00

Já, það ómögulega hefur gerst! Í gær þá lærði ég heima! já, ég opnaði bókin og las, ég las eins og það væri engin morgundagur, ég las 2 og 1/2 kafla! sem að þýðir að ég á bara eftir að lesa hálfan kafla til að ná kennaranum í þessu fagi. (tölum ekkert um hin 5 sem ég er í).

Þá eru öll lögin búin í undankeppninni í júróvisjón.. hver fer fyrir okkar hönd? dunununu..

Eirðarlaus.is

2007-01-22T17:32:00.000+01:00

Ég veit ekki hvað ég á að gera í þessu, ég er svo hrikalega eiðrarlaus þessa dagana, og eiginlega bara alveg síðan ný önn byrjaði. Ég get ekki fengið mig til að einbeita mér að neinu í meira en 10 mínútur. Ég er alveg úti að aka í tímum í skólanum og gæti allt eins verið heima hjá mér og svo er ég bara í ruglinu þegar ég er að reyna að læra heima. Svo hugsar maður alltaf bara á morgun, en það gerist ekkert þá frekar en fyrri daginn. Ég er núna búin að eyða þónokkuð löngum tíma í það að lesa blogg hjá fólki sem ég þekki ekki (og eftir að hafa viðurkennt það hérna á alheimsvefnum mana ég alla þá sem lesa þetta blogg að kommenta, þrátt fyrir lítil eða engin tengsl okkar á milli) en já, inn á þessum bloggum hjá ókunnugu fólki var ég að skoða myndir, og þetta voru helst myndir úr Sölden. Ég varð eiginlega bara döpur! Þetta hlýtur að hafa verið besta ákvörðun sem ég hef nokkurn tíman tekið. Þessi tími þarna úti var klárlega sá besti, og ekki spillti það nú fyrir að Una kom í heimsókn til mín, tvisvar! En nú langar mig bara að láta nokkrar Sölden myndir fylgja með og þakka öllum þeim sem voru með mér þarna úti fyrir að gera þetta viðburðaríkasta og skemmtilegasta vetur ævi minnar! *snökt*

Þessi kall hélt okkur í hláturskasti heilt kvöld!

Vá! er þetta eitthvað grín hvað ég er tölvufötluð! en jæja, ég kom allavegana þessum þrem myndum inn. Ég nenni ekki að vesenast við að finna aftur hinar sem virðast hafa horfið!

Gleðilegt ár..

2007-01-15T16:59:00.000+01:00

Ætli það sé ekki kominn tími á nýtt blogg og gott betur en það. Það hefur margt gerst síðan ég skrifaði hérna síðast, ég er búin að taka síðasta klásus prófið og ég er búin að halda upp á það að vera búin með því að bruna suður og koma í óvænta heimsókn til Unu. Jólin eru komin, og því miður eru þau farin líka. Ég er búin að halda mín fyrstu alvöru jól að heiman (ég tel Sölden ekki með sem jól) og tel það hafa heppnast einstaklega vel. Ég er hinsvegar ekki búin að henda jólatréinu, við vorum of sein þegar ruslakallarnir voru á ferðinni þannig að það stendur bara hérna úti. Ég er farina ð velta því fyrir mér hvort að þetta sé ekki bara fínasta sparnaðar ráð, ég nota þetta bara aftur á næsta ári. Fleiri hlutir sem ég er búin að gera, ég er búin að trúlofa mig, nú verður ekki aftur snúið. Ég er búin að fara í brúðkaup og skemmta mér konunglega. Um jólin spilaði ég líka alveg helling og prófaði þriggja manna aksjónarí með Kára og Tótu. Ég tók þátt í flugeldasölunni að vanda og við tókum eitt stykki næturvakt. Ég er búin að hafa Unu í heimsókn í langan og ofboðslega góðan tíma, Þórunn var líka hér í langan tíma og það var æði, aðrir voru styttri tíma, en það er ekki magn heldur gæði sem skiptir máli og gæðin voru sko góð! Svo er ég búin að byrja á nýrri önn í skólanum og ég er búin að taka eitt próf og ég er enn ekki byrjuð að lesa í neinu fagi, þarf samt virkilega að fara að taka mig saman í andlitinu. Núna er ég búin að skrifa miklu lengra blogg en ég ætlaði og sé það núna eftir á að klárlega hefði það verið hentugra að setja þetta blogg fram í punktafærslu, en þar sem að ég er eiginlega alveg búin á því núna þá nenni ég ekki að breyta því. Ég ætla bara að enda þessa bloggfærslu með því að óska öllum velunnurum nær og fjær gleðilegs árs!

Jæja...

2006-12-15T09:13:00.000+01:00

þá sér fyrir endan á þessu.. síðasta prófið hefst eftir 45 mínútur.. fimmtudagsmorguninn 14. desember vaknaði ég klukkan átta og byrjaði að læra. Föstudagsmorguninn 15. desember laust fyrir klukkan átta lokaði ég bókunum! Ég hef heyrt að alvöru háskólafólk vaki aðfaranætur prófa.. ég vildi bara vera eins.

2006-12-12T15:53:00.000+01:00

Ég hef heyrt það að því duglegri sem maður ert að gera eitthvað annað í prófunum en að læra, því hærri einkunn fær maður... Ætli það sé eitthvað til í þessu? allavegana er ég núna að leika hættulegan leik til að komast að því...
Til gamans (ef það skyldu vera fleiri en ég þarna úti sem vilja prófa tilgátu þá er ég bar upp hér að ofan)...

1. miðnafnið þitt:
2. Aldur:
3. Single or Taken:
4. Uppáhalds bíómynd:
5. Uppáhalds lag:
6. Uppáhaldshljómsveit:
7. Uppáhalds búð:
8. Tattoo eða göt:
9. Þekkjumst við persónulega?
10. Hver er tilgangurinn með lífinu?
11. Myndiru þaga yfir leyndarmáli ef það skipti mig máli?
12. Besta minningin þín um mig?
13. Myndir þú gefa mér nýra?
14. Segðu eitthvað skrýtið um þig:
15. Myndir þú hugsa um mig ef ég væri veik?
16. Getum við hist og bakað köku?
17. Hefuru heyrt kjaftasögu um mig nýlega?
18. Talarðu eða hefurðu talað illa um mig?
19. Finnst þér ég vera góð manneskja?
20. Myndir þú keyra með mér hringinn í kringum landið?
21. Finnst þér ég vera aðlaðandi?
22. Hverju myndirðu vilja breyta í mínu fari?
23. Í hverju sefurðu?
24. Kæmirðu í heimsókn af tilefnislausu, bara til að hanga?
25. Ef við ættum einn dag ólifaðan, hvað myndum við gera?
26. Ætlarðu að setja þetta á þína síðu svo ég geti fyllt þetta út?

Próf!

2006-12-02T12:38:00.000+01:00

Ef orðinu próf er flett upp í íslenskri orðabók má sjá að það orð hefur ýmsar merkingar, hér eru nokkar:

áhyggjur
stress
svefnleysi
óhollt matarræði
enginn aflögu tími
magaverkur
þreyta
vanlíðan
ekkert Prison Break
enginn tími til að blogga
enginn tími til að lesa og kommenta á önnur blogg
varla tími til að hugsa um nuddgallann
erfitt að koma ræktinni að
það að þrífa ruslageymsluna verður spennandi (við erum einmitt fyrir svo ótrúlega heppin að vera með sameignina akkúrat í prófunum)

skýringarnar eru fleiri, ég hef bara ekki tíma til að skrifa þær hér. I will be back um miðjan desember, gangi ykkur vel í ykkar prófum!
-ciao-

2006-11-27T18:34:00.000+01:00

Jáh, þá er skólinn búinn, engir fleiri 4faldir vefja- og frumulíffræði tímar, engir fleiri heimspekitímar þar sem hitamál á borð við líknardráp og fóstureyðingar eru rædd! Ég skrifa þetta ekki með söknuði, frekar kannaski ótta, ótta við það að nú á að fara að athuga hvort að ég sé ein af þeim 48 sem náði að troða mestri vitneskju inn í kollinn á mér.
Þetta er búið að vera viðburðaríkur dagur hjá mér.. ég byrjaði á því að vera á seinustu stundu í skólann, og hvað gerist þegar maður er á seinustu stundu? jú.. það fer eitthvað úrskeiðis. Í morgun var það þannig að ég kom út og ætlaði að opna bílinn minn, en þá var lásinn frosinn og ég gat það ekki, ég hringdi (af því að ég nennti ekki að labba upp) alveg brjáluð í Helga (eins og þetta væri honum að kenna..) og hann benti mér góðfúslega á að það væri lásasprey í súkkunni svo að ég arkaði snjóinn þangað (neibb, það er ekki búið að moka planið hjá okkur). eftir smá basl tókst að opna hurðina, en þá átti ég eftir að skafa og svo þegar það var loksins búið þannig að ég sæi (sjá í viðtengingarhætti þátíðar?) um það bil nóg út festi ég mig næstum á planinu (eins og áður kom fram er ekki búið að moka). Þetta allt saman leiddi af sér að ég mætti of seint í tíma. Svo var dagurinn frekar viðburðarlítill eftir þetta, þannig að kannski var þetta rangt sem ég sagði efst að þetta hefði verið viðburðarríkur dagur.. en allavegana spennandi morgun, og jú, ég fékk blaðið í ljósritunarvélinni á 1 krónu en það átti að kosta 10... dunununu
-yfir og út-

2006-11-22T11:10:00.000+01:00

næstsíðasti skóladagurinn að hefjast, þetta er alveg að bresta á.. ég veit að ég hef ekkert sérstaklega merkilegt um að blogga, það er bara læridilær núna! eða jú, eitt merkilegt, ég á afmæli á morgun ;) til hamingju ég!
það er alveg ótrúlegt hvernig það vill alltaf gerast að það komi eitthvað uppá þegar maður er seinn, nú er ég með smá sögu af því. í gær vaknaði ég um 7 leytið og var ekkert sérstaklega sein, en svo fór Helgi í sturtu og ég ákvað að kúra aðeins á meðan af því að ég þurfti líka að fara í sturtu. þegar ég var búin að liggja til klukkan 15 mínútur yfir 7 gat ég ekki setið á mér lengur því að ég sá fram á að vera sein, þannig að ég fór fram í eldhús og fékk mér að borða og tók mig svo til í skólann.. þá loksins var Helgi búinn í sturtu. Þá var ég nú eiginlega komin í hann krappann með að mæta á réttum tíma í skólann. Ég ákvað að gefast ekki upp, ég skyldi geta þetta, ég hoppaði í sturtu og var snögg að, þurrkaði, makaði, málaði og klæddi mig... reddý í skólann á góðum tíma! En svo þurfti ég að teygja mig upp í skáp að sækja krem og um leið og ég er að taka það út byrja ég að sjá allt í sló mósjon, naglalakkið sér þarna leik á borði til að sleppa úr skápprísundinni og ég sé það hoppa niður á gólf, flísalagt baðherbergisgólfið! Og svo nokkrum mínútum seinna heyrði ég það smallast á gólfinu og lyktin gaus upp! Ohhh, það er ekki auðvelt að þrífa upp naglalakk. En ég spýtti bara í og þreif þetta og hljóp síðan út.. ooooog það þurfti að skafa, ég gerði 2 augu, þannig að ég rétt sá út, það reddaðist í þetta skiptið.
En gleðifréttir sem mér finnst vert að koma með er að Una er búin að panta sér flug til að koma í höfuðstað norðulands á milli jóla og nýárs! sjibbí!

2006-11-16T12:07:00.000+01:00

æ, það getur verið svo hrikalega pirrandi þegar þessi álfar eru að stríða manni og taka hlutina manns. ég lenti í því núna um daginn að týna veskinu mínu, ég bara skildi ekki hvar í ósköpunum það gæti verið og ég leitaði allsstaðar, ég leitaði í bílnum mínum og ég bókstaflega snéri íbúðinni á hvolf til að finna þetta veski. En allt kom fyrir ekki og ég var farin að hallast að því að ég hefði bara óvart hent því. Ég fór svo yfir það í huganum hvar ég hefði notað það síðast, hringdi svo niður í Nettó og það var ekki þar, hrindi svo í lögregluna og var að vona að einhver heiðarlegur borgari hefði skilað því, en það var ekki þar. ég var búin að gefa upp alla von og var bara eitthvað að brasa inn í herbergi þegar ég sé ekki kauða liggja bara í rúminu mínu! Ha!? ég átta mig ekki alveg á hvernig það hefur komist þangað og ég týndi því daginn áður og ég veit alveg að ég svaf sko ekki á því. Þannig að mín skýring á þessu er að álfarnir hafi fengið þetta lánað og hafi verið að skila því aftur.
En nú er skólinn að verða búinn hjá mér, bara 4 kennsludagar eftir, jiminn eini.

ég veit ekki...

2006-11-13T00:18:00.000+01:00

hvernig ég get þakkað þeim nægilega sem hafa nennt að lesa bloggið mitt í gegnum tíðina, en ég ætla að prófa að gera það svona.

2006-11-12T15:17:00.000+01:00

Ef líf mitt væri kvikmynd (tekið af www.nifteindin.blogspot.com):

If our life was a movie, what would the soundtrack be?So, here's how it works:
1. Open your library (iTunes, Winamp, Media Player, iPod, etc)
2. Put it on shuffle
3. Press play
4. For every question, type the song that's playing
5. When you go to a new question, press the next button
6. Don't lie and try to pretend you're cool

Opening Credits:
Blur - Song 2

Waking Up:
Rokkum í kringum jólatré

First Day At School:
Bubbi - fatlafól

Falling In Love:
Tears and Rain - James Blunt

Fight Song:
Because of you - Kelly Clarkson

Breaking Up:
You can't hurry love - Dixie Chicks

SovayProm:
It's my life - Bon Jovi

Life:
Life of my own - 3 doors down

Mental breakdown:
Goodbye my lover - James Blunt

Driving:
Year 3000 - Busted

Flashback:
Aumingja Siggi - Bessi Bjarnason

Getting back together:
Stop in the name of love - Bang Gang

Wedding:
Rain Drops Keep falling on my Head - Burt Bacharach

Birth of Child:
In my Dreams - Wig Wam

Final Battle:
Mrs Robinson - Simon and Grafunkel

Death Scene:
Brimful of asha - Corneshop

Funeral Song:
Kung Fu Fighting - Fatboy Slim

End Credits:
In my life - The Beatles

Jáhá, svona væri lífi mínu sem sagt kvikmyndað, prófið þetta, þetta vekur ánægju :)

2006-11-09T20:51:00.000+01:00

Jæja, þá er próftaflan komin á hreint, ég er í prófum frá 4. des - 15. des. það verður án efa nóg að gera þangað til, ég hef nóg að læra, er í ræktinni, er skátaforingi, fer í krullu, er að vinna, rek fyrirtæki... hvað segiði, á ég skilið að komast inn :p neinei, þetta hljómar mikið en ég er nú samt búin að vera alveg gríðarlega dugleg.
En annars er ekki mikið að frétta.. ég er reyndar að fara að eyða peningum á eftir, alltaf gaman af því;) það er félagasala í 66° norður, einhverjir svaka afslættir og klárlega er ég að spara helling af pening ef ég bara kaupi mér nógu mikið :)

það eru 7 skóladagar eftir hjá mér!
ég á afmæli eftir 14 daga ;)
prófin byrja eftir 25 daga!
prófin eru búin eftir 36 daga!
jólin koma eftir 45 daga!
Vúhú!

2006-11-05T17:45:00.000+01:00

Hver hlakkar til jólanna!?!

Pant! ;)

2006-11-04T09:08:00.000+01:00

æh, stress.. ég er vöknuð klukkan 8 á laugardagsmorgni til að lesa vefja- og frumulíffræði, það er gaman af því. Það er ekkert mannlegt við klásus.. það eru allir stressaðir og einn slæmur dagur getur haft þvílík áhirf :s óh, ég er komin með stresshnút í magann, en upp að vissu marki hefur hann bara góð áhrif, án hans væri ég líklega sofandi núna :D en þar sem ég er að fara að vinna klukkan 10 - 15 og passa í kvöld þá er ágætt að ég reif mig á lappir! en ég ætla nú ekki að eyða öllum morgninum í að blogga, þá yrði ég svekkt, bara að setja inn nokkrar línur til að láta vita af mér..
ciao :)

2006-10-24T19:49:00.000+02:00

Já, þetta ding hafði þessi svakalegu áhrif á mig, en þegar ég var að jafna mig á því þá gerðist svolítið annað.. ég var bara á æfingu í nýju íþróttinni minni og var að labba yfir svellið með svona sleipt (er þetta skrifað svona) undir öðrum fætinum þegar ég allt í einu flaug, og þá meina ég í orðins fyllstu merkingu, ég á rassinn. Takið smá tíma í að spá í þetta, þetta gerðist allt í sló mósjon að mér fannst frá því að ég fann að ég var ekki eins stöðug og ég vildi vera þar til ég lá á svellinu! jiminn hvað þetta hefði orðið fyndið ef ég hefði ekki meitt mig svona svakalega :,( ég ætlaði einhvernvegin að bjarga mér með því að setja hægra hendina fyrir mig en það gekk ekki alveg þannig að í staðin að hún myndi hjálpa eitthvað þá kramdi ég hana bara með öllum mínum þunga (sem er nú ábyggilega margfaldur þegar maður dettur úr svona mikilli hæð þar sem ég var að lenda úr flugi). en já þetta var alveg agalega sárt, hringurinn sem ég var með á puttanum beyglaðist meira að segja og mér er enn illt í einum puttanum. en marið á síðunni er eiginlega farið. En ég er farin að halda að ég sé hálfgerður klaufabárður, fyrst vinnuslysið, svo dingið og nú puttinn...

En ég geri nú ekki mikið þessa dagana annað en að læra og læra meira, einhvernvegin þjóta dagarnir áfram og jólin verða komina áður en maður nær að líta við, og ég kvíði því að þá er enn styttra í að prófin byrja. en um leið og þeim er lokið er ekkert nema sældarlíf í hálfan mánuð eða svo og ég fæ að sjá nánast alla þá sem mér þykir vænst um í heiminum! Lilý kemur heim frá Svíalandi, Tóta frá Nojaralandi, Helga og mamma frá Bretlandi og Una frá borg óttans og svo náttúrulega bara allir sem að maður er ekki búinn að hitta í ár og öld og það verður gaman að knúsa! En Inga, ég reikna með því að þú verðir í Þýskalandi, endurfundir verða að bíða betri tíma!
Kyss og knús!

Vó!

2006-10-15T22:52:00.000+02:00

Ég sat bara í mínum mestu makindum við skrifborðið mitt þegar allt í einu heyrist þessi ægilegu skruðningur og ég fékk stærsta "ding" sem ég hef fengið í ennið! það er sem sagt þannig að skrifborðið mitt er sett saman úr tveimur einingum, annar hlutinn er bara eins og venjulegt skrifborð og hinn hlutinn er eins og bak, sem er skrúfað á vegginn og þar eru litlar hillur. Allavegana ákváðu skrúfurnar að hætta að sinna sínu starfi og slepptu takinu á veggnum og skrifborðið datt á hausinn á mér! úff.. það var nú ekkert sérstaklega þægilegt! ætli ég endi ekki með tvær kúlur á enninu :s
-Yfir og út-
Valdís Naut!

Börn

2006-10-12T21:49:00.000+02:00

Ohh börn geta verið svo svakalega krúttleg! ég er ekki frá því að maður sakni þess þegar allt var svona einfalt! Það var nú þannig að í síðustu viku fórum ég og Rakel í skólana til að kynna skátastarf, okkur þótti ekki nóg að hafa 17 börn af 1200 á þessum aldri hér á Akureyri, þannig að við brunuðum af stað, ætluðum að taka tvo í síðustu viku, tvo í þessari og tvo í næstu. Við hættum nú snarlega við að fara í fjóra síðustu skólana sem voru eftir þegar á skátafund í síðustu viku mættu hvorki fleiri né færri en 66 börn! já það er nokkuð skal ég segja ykkur, og í gær mættu um 50! og við vorum guðs lifandi fegnar þessari fækkun :)
En sagan sem ég ætlaði að segja um börn og einfaldleika þeirra er eftirfarandi og gerist hún í Brekkuskóla eftir glærukynninguna okkar:

Barn A: hvað kostar að vera í skátunum?
Við: 12.000
Barn B: er hægt að borga með korti?
Við: Já (komst reyndar að því í dag að ég var að ljúga að barninu, það er víst ekki mögulegt)
Barn A: Ég held að ég geti ekki verið með, þetta kostar of mikið
Barn B: Já, en heyrðiru ekki hvað þær sögðu? það er hægt að borga með korti!

Jæja, vikan búin

2006-10-10T12:09:00.000+02:00

Þá er vikan þar búin. Frá því klukkan 7 á mánudaginn hef ég verið að passa börnin hennar Kristínar og gera það sem til þarf. Þau eru nú ekki svo erfið, hálf fullorðin, en engu að síður er ég búin að vera bundin alla daga, allan daginn. Vá andinn ekki yfir mér! gott blogg Valdís :) Hey Lilý er komin á msn, ég ætla frekar að fara að tala við hana..

Í vikunni er ég búin að...

2006-10-01T00:36:00.000+02:00

.. finna mér nýja íþrótt til að iðka, og það er krulla, komin í lið og allt.
.. lenda í vinnuslysi. (já, ég vinn á Abaco heilsulind)
.. eignast Pálma
.. eyða meira en klukkutíma í kbbanka
.. vera bissnesfundi
.. læra ekki staf!
.. vera dugleg í rækt og mat
.. verðlauna það með feitum nammidegi
.. horfa á myndina Just like heaven
.. vaka yfir allri myndinni Just like Heaven
.. blogga tvisvar!

Jæja þá..

2006-09-27T11:30:00.000+02:00

Mig dreymdi í nótt að Óskar væri dáinn að því að við hugsuðum ekki nógu vel um hann :s Anna sérðu hann er ofarlega í huga mínum, mig er meira að segja farið að dreyma hann. Mig dreymdi líka að ég Una og Lilý værum í Sölden á leið í Sund og Darco var þarna (fyrir þá sem þekkja til) og hann var geggjað reiður að við skildum ekki hafa boðið honum með, hann var alveg brjálaður! Minnti mig bara á það þegar sagði ekki morgen við hann :)
Og talandi um Sund þá fór ég einmitt í Sund í gærkvöldi. Voðalega er mikið af krökkum í Sund-i svona á kvöldin, aldrei fór ég í Sund á kvöldin þegar ég var barn! reyndar fer ég ekki mikið í Sund, við Helgi föttuðum það að þetta er í fyrsta sinn sem við förum bara tvö í Sund :) Hvað ætli maður geti sagt orðið Sund oft í einni málsgrein? haha, það væri nú fyndið ef að Martin Sund myndi nú reka nefið inn á þessa síðu og þá heldur hann að ég sé geggjað að tala um hann og því ælta ég alltaf að hafa stóran staf í Sund :) Ohoho ég er svo ógisslega fyndin ;)
Baahh.. farin í skólan.. (þó ég væri alveg til í að vera frekar að fara í Sund)

Svo stolt sko!

2006-09-16T17:35:00.000+02:00

Það eru þrír hlutir sem gera mig stolta í dag:

ég gekk á Súlur!
ég mundi eftir myndavélinni
mér tókst að setja myndina inn á netið!

Takk fyrir :)

2006-09-12T14:24:00.000+02:00

Vá hvað það skiptir öllu máli að kennarinn sé almennilegur! núna er ég búin að eyða 4 klukkutímum í tíma þar sem kennarinn er bara að tuða og lesa beint upp af glærunum og vá hvað þetta er tilgangaslaust bara í öllu! Ég hefði betur verið heima að lesa þetta sjálf!
arrg!

2006-09-02T21:40:00.000+02:00

Þá er maður byrjaður í enn einu átakinu... Ég og Una erum með stórar hugmyndir um litlar okkur ;) Það er bara gaman af því. Þannig að ég hugsa að næstu þrír mánuðir muni einkennast af því að vera alltaf að borða (á maður ekki að borað 6 litlar máltíðir á dag?) fara í ræktina og læra. Þegar ég sef dreymir mig meira að segja skólann! Það er langt í prófin og mig er strax farið að dreyma að ég komist ekki inn :s ég hlakka ekki til þegar nær dregur..

LUV ehf!

2006-08-17T22:30:00.000+02:00

Ef einhver var að spá þá var þetta bara ósköp venjulegur dagur hjá mér, keypti mér diska í búið, hékk með stelpunum og stofnaði fyrirtæki :)

2006-08-12T20:56:00.000+02:00

Hvað er eiginlega eignafallið af plötur (eins og í hljómplata)?
nf. plötur
þf. plötur
þgf. plötum
ef. platna?

Ég vil nýta tækifærið til að minnast þess að Finnbogi sé búinn að vera í Reykjavík í 1 ár og það er rosalega sorglegt að hann hafi ekki heiðrað Akureyringa með nærveru sinni og það sem verra er að hann sér ekki fram á það fyrr en í fyrsta lagi um áramót! ég vil að allir sem lesa þetta taki eina mínútu í þögn.

Fiskidagurinn mikli svo á Dalvík í dag, maður ætti nú að gefa sér tíma í að kíkja á þetta einhvert árið.. maður heyrir að þetta sé svakalegt.

En ég er að tjaldvarðast hérna helt alene.. það eina sem heldur í mér lífinu er að Helga Valborg og Una ætla að koma með ís til mín í kvöld! (Af hverju ætli enginn hafi farið í bissness með heimsendingu á ís og nammi?? myndi það ekki blíva?)

Sumarið er búið og farið, skólinn byrjar á mánudaginn og ég fæ íbúðina mína eftir viku :) jiminn hvað maður verður myndarlegur í sinni eigin íbúð :p Drekagil verður staðurinn í vetur :) Rvk city svo á föstudaginn, mútta verður þarna og hún hefur hljómað jákvæð fyrir að kíkja í IKEA og jafnvel að hafa eitthvað fé meðferðis ;)

en jæja.. tjaldgestirnir bíða í röðum..

bis später
- Valdís-

Það ætti að vera bannað..

2006-08-09T21:34:00.000+02:00

.. að fara fleira en eitt ár frá Akureyri! Það er ekki sanngjarnt að ég verði ein eftir á Akureyri. Una er að fara til Reykjavíkur, Þórunn til Noregs og Helga Valborg til Englands! Þetta skilur mig eina eftir með gamlingjunum Helga, Kára, Önnu og Jens.. :p

æ og ó ;)

Erettekkert grín!

2006-08-06T17:12:00.000+02:00

Vá hvað fólk er mikið fífl! Tjaldgestir bara skilja ekki að það sé ekki endurgreitt yfir verslunarmannahelgina og það áttar sig ekki á því af hverju það er dýrara að gista hérna yfir verslunarmannahelgina, við þurfum nú ekki nema að þrefalda mannskapinn hérna!
Fólk skilur heldur ekki af hverju það má ekki taka 16 ára ungling sinn með sér inn auk 4 vina hans... sem eru að fara að djamma!
Það sama fólk skilur ekki hvernig við getum liðið þenna hávað í þessu unga fólki á svæðinu, "hvernig er það, er þetta ekki fjölskyldusvæði?!?"
Já, fólk er fífl!

Missing!!

2006-07-27T21:08:00.000+02:00

Nokkrir mánuðir ársins hafa nú ekki látið sjá sig og talið er að þeir hafi farið saman af landi brott.. umræddir mánuðir halda sig yfirleitt saman og nefnast júní, júlí og ágúst. Síðast fréttist af þeim í lok maí. Þeir sem vita eitthvað um ferðir þeirra eru vinsamlegast beðnir að hafa samband við lögregluna á Akureyri. Þetta hefur haft gríðarleg áhrif á fólk og margir höfðu stór plön fyrir þessa sumarmánuði sem reyndist svo ekki unnt að framkvæma vegna tímaskorts! Skólinn byrjar eftir 18 daga...

...

2006-06-25T20:49:00.000+02:00

Það er svo vont að skera sig á blöðum! það er alveg ótrúleg miðað við hvað sárið er lítið! Ég held að það sé opinbert að ég á við tölvufötlun að stríða.. ég átti að prenta út nokkra einfalda reikninga, ýta á print og bíða þar til það væri búið að prenta allt, snúa þá blaðabunkanum við og ýta aftur á print. Hljómar einfalt ekki satt? mér tókst samt að vera meira en klukkutíma að þessu auk þess sem ég skar mig þrisvar sinnum í þumalfingurinn! bra Valdís, bra!

Ég kvíði fyrir næstu viku! það eru búin að skrá sig 17 litlir krakkar og tveir af þeim tala ekki íslensku, annar talar ensku og það kannski reddast, en hinn talar bara sænsku :s en þeir skilja víst einhverja íslensku, sem betur fer!

mmm.. matarlykt, farin að snæða...

bleehh

2006-06-05T19:53:00.000+02:00

ég skil ekki hvernig fólk hefur hugmyndaflug í að blogga alltaf bara eitthvað bull.. ég er ekki þessi bullmanneskja, eða jú kannski, en ég er klárlega ekki þessi bloggbullmanneskja. Bloggið mitt er eiginlega svona meira tilkynningarvefur.. leiðinlegt!
(þetta var kannski svona bloggbullfærsla, en ég held að það sé ekki að marka þegar hún er um bloggbull.. eða er það?)

Þá er allt fallið í réttar skorður..

2006-06-03T02:54:00.000+02:00

Já, nú er allt eins og það á að vera.. ég er farin að vinna myrkranna á milli og ég vona að ég muni nú eiga einhvern pening eftir sumarið! Við Helgi ætluðum að leigja okkur íbúð í sumar, en ákváðum svo bara að við hefðum ekki efni á því og það væri ágætt að vera á Hótel Mömmu í eitt sumar enn.. svo er bara að athuga hvort að við komumst ekki bara í íbúð á vegum HA.. en úff hvað það er erfitt að fara að verða fullorðinn og þurfa að gera eitthvað gáfulegt.. ég á meira að segja eftir að sækja um í HA og umsóknafresturinn rennur út á mánduag.. eitthvað segir mér að ég muni brasa í þessu þann tiltekna mánudag... æ lífið er svo erfitt.. það væri nú gott að geta bara verið að fara aftur til Sölden þar sem lífið var alltaf (eða næstum alltaf) ljúft, engar áhyggjur, þar var bara svona Hakuna matata! æ og úff..

Stundum er gott

2006-05-27T20:13:00.000+02:00

.. að vera gleyminn! það er svo gott þegar maður kynnist aftur því sem maður var búinn að gleyma...

ég var búin að gleyma...

...hvað mömmumatur er óendanlega góður
...hvað Una mín er bestust í heimi!
...hvað Þórunn er frábær
...hvað það er gott að knúsa Lilý
...hvað Helga Valborg er mikill snillingur
...hvað það er leiðinlegt að læra fyrir próf
...hvað það er auðvelt að fara og gera eitthvað annað þegar maður á að vera að lesa fyrir próf
...hvað skyr er gott
...hvað ég á frábæra fjölskyldu!

Ég hlakka endalaust til þessa sumars! það verða allir á Akureyri og það verður ljúft!

ísland..

2006-05-24T15:18:00.000+02:00

loksins.. ó Ísland :)

London...

2006-05-21T13:08:00.000+02:00

Tha er komid ad sidasta stoppi ferdarinnar, London.. vid erum nuna ad fara ad turistast eitthvad og kikka a helstu stadina sem eru her i bodi.. a morgun er svo stefnan a stone henge ef thad er ekki alltof langt i burtu, svo er thad bara island a thridjudaginn og akureyri a fimmtudaginn :) en nu erum vid ad fara ut i rigninguna (alltaf jafn heppin med vedur)

Thad er kominn timi til ad blogga..

2006-05-16T11:48:00.000+02:00

eg se thad ad eg hef ekkert bloggad allt ferdalagid.. hmm.. en vid erum semsagt komin aftur til vinar eftir tveggja vikna husbilaferdalag! vid akvadum ad kikka adeins a netid adur en vid förum ut a flugvöll til ad fara til parisar! en eg nenni nu barasta eiginlega ekki ad skrfa nakvaema sögu um thad hvad vid erum buin ad gera a hverjum stad, eg skal bara frekar syna ykkur myndir og segja fra thegar eg kem heim :) lendi a islandi eftir viku :)

Jagababa

2006-05-01T15:28:00.000+02:00

Tha er madur kominn i menningarborgina Vin! thad er ekkert sma sem madur "tharf" ad skoda herna! en ferdin hingad gekk alveg otrulega vel. Hun byrjadi reyndar med sma tarum, liklega saknadar og anaegju i senn.. en thegar vid vorum svo komin upp i leigubilinn og lögd af stad tok bara hraedsla vid! leigubilstjorinn sem keyrdi thetta hefur liklega keyrt tessa leid einum of oft og er heldur öruggur med sig og var 25 minutur ad skutla okkur leid sem vid höfdum reiknad med ad taekji 40 minutur. That leiddi af ser sma auka bid a lestarstödinni, en sem betur fer voru nammisjalfsalar sem sau til thess ad okkur leiddist ekki :) Thegar lestin kom svo, 10 minutur yfir 12 vorum vid aegilega bjartsyn og spurdum hvort ad vid maettum sofa thar sem vid vildum og hann benti okkur bara pent a ad vid vaerum ekki med mida i rum heldur thyrftum vid ad sofa i saetunum... thad voru nu samt frekar fair i lestinni thannig ad vid gatum breitt vel ur okkur ofan a töskum og ödrum taegilegheitum.. eftir thetta internetstopp erum vid svo ad fara ad rölta nidur ad Dona og svo er thad ice age 2! ja vid fundum bio sem er ekki döbbad!! en eg reyni ad lata vita af mer sem oftast og Una 16 dagar.. Lily 19 dagar og Helga 24 dagar!! p.s. Helga eggid kom ekki :,(

Þetta er lífið!

2006-04-26T10:36:00.000+02:00

Já, svona á lífið sko að vera, við erum búin að vinna og erum bara í fríu fríi hérna í Ölpunum í rúma viku. Reyndar er færið ekki alveg upp á sitt besta núna, eini möguleikinn á að renna sér er upp á jökli, en þar er færið ekkert einu sinni frábært og þar fáum við ekki afslátt á mat, og það skal ég segja ykkur að það eru ekki nema einhverjir ríkisbubbar sem hafa efni á að kaupa þann mat á fullu verði. En þá er bara um að gera að reyna að sofa út og njóta lífsins :) Ferðalagið sem ég, Halla, Guðrún, Andrea, Jóhanna og Helgi (takið eftir kynjahlutföllum) erum að fara í byrjar svo líklega þann 30. apríl eða 1. maí.. það fer eftir því hvaða lest er best að taka til Vínar. Svo fáum við húsbílinn okkar snemma morguns 2. maí og brunum niður til Feneyja, næst liggur leiðin til Písa, svo Monokó og Nice, svo er það Mílanó þar sem við losum okkur við Jóhönnu :) og svo er haldið austur til Króatíu og Bosníu og svona :) En ég ætla nú ekkert að hafa þetta langt, en var að spá í að skella hér inn nokkrum myndum ef ég bý yfir þeirri kunnáttu :) Annars hafiði það gott, sjáumst í maí!
Æ og ó, ég kann það ekki og nenni ekki að eyða meiri tíma í það :)

Bloggleti..

2006-04-11T18:52:00.000+02:00

Héðan er allt gott að frétta eins og venjulega :) Sumarið var næstum komið, farið að sjást í grænt gras og alles, en í morgun þegar ég leit út um gluggan var nánast bara stórhríð og allt orðið hvítt aftur! En það er nú bara gott, þá fáum við gott skíðafæri. Í morgun var svo staðfestingagjaldið fyrir húbílnum borgað og ferðalagið komið nokkurnvegin á hreint og Helgi er búinn að skrifa það inn á bloggið hjá sér, en í stuttu máli sagt er það Ítalía, suður strönd Frakklands, Ítalía, Serbía, Vín, París, London og svo Ísland :) 23. maí mun ég reikna með fylktu liði á Keflavíkurflugvelli þar sem ég lendi með kvöldflugi Iceland express :) ég hlakka nú ekkert lítið til þess! Helga Valborg, þú getur farið að ákveða hvað þú ætlar að baka handa mér, það er að segja ef þú verður enn í borginni :) En ég held að ég fari að láta þetta gott heita...

úffúff

2006-03-30T17:44:00.000+02:00

Vikurnar þjóta hjá, mér líður eins og ég hafi bloggað síðast í gær en þá er akkúrat vika síðan :) En ég var sem sagt í fríi í dag og við rifum okkur upp á rassgatinu uppúr átta til að ná nú góðum skíðadegi.. Planið var að skíða í púðrinu upp á jökli, en þegar upp var komið sáum við það að hann var lokaður. Við prófuðum eina ferð og brautin var ömurleg og skyggnið enn verra! Þá var bara stefnt beint á Giggi í morgunmat og afslöppun :) Fórum svo nokkrar ferðir og renndum okkur svo niður á Schwarts til að fá okkur hádegismat. Eftir hann gripum við í spil og fréttum svo að við værum fastar þarna því að það var svo mikill vindur! við gátum farið einhverja svarta og ömurlega brekku niður en vildum það ekki og fengum einn sleðagaurinn til að skutla okkur upp svo við gætum rennt okkur niður hinumegin :)
En þetta var bara ljómandi fínn dagur, Guðrún var að prófa skíði sem hún er líklega að kaupa um þessar mundir þrátt fyrir að þau hafi ekki reynst henni vel í allan dag. í einni af fyrstu ferðunum okkar vorum við komin í stól á undan henni og svo allt í einu var lyftan stoppuð og við litum við og hvað haldiðið, liggur hún ekki bara kylliflöt fyrir framan lyftuna :)
En nú er ég komin heim í skítugt herbergið mitt og nenni engan vegin að laga til! úff þetta er erfitt líf hérna í Sölden :)

Góður dagur..

2006-03-23T17:53:00.000+01:00

jæja, þá er enn einn frídagurinn að verða búinn. Við byrjuðum hann með trompi, ég og Andrea, með því að fara út að hlaupa, fórum svo með Guðrúnu að sækja skíðapassann og fengum okkur svo pizzu upp á Gaislakogl.. mmm.. hvað hún var góð. Við ætluðum svo upp á jökul en þar sem klukkan var farin að ganga tvö eftir hádegismatinn ákváðum við bara að fara upp á Schwartskogl og kíkja á krakkana þar. Svo skíðuðum við bara niður á Giggi og hengjum þar þangað til það var kominn tími til að fara heim. Í kvöld er bara rólegheit og huggó.. spilakvöld, enda sjáum við fram á að helgin verði tekin með trompi :) En þetta voru öll merkilegheitin héðan (þó svo að ég gæti komið með fullt af dramasögum, það er sko nóg af þeim hér í sölden, en ég held að þær séu ekki prenthæfar:) )

Farin í sturtu...

Internetið getur verið alveg ótrúlega skemmtilegur hlutur!

2006-03-19T20:38:00.000+01:00

Þessa stundina er ég að reyna að halda business fund með Unu og Lilý til að reyna að ákveða framtíð gallans okkar, en það virðist ekki alveg vera að virka! Við ætluðum að halda þennan fund á föstudaginn og ég klúðraði því og gleymdi þessu og fór bara á Bistro :s en nú er Una komin inn aftur og ég ætla að reyna að nýta tímann á meðan hún tollir inn á netinu...

später..

Jamms og jæja...

2006-03-13T17:56:00.000+01:00

Það er alveg ótrúlegt hvað maður ef opinn fyrir allskonar sýkingum og skít hérna, og það er alveg meira hvað ég er seinheppin manneskja! Heima kemur það varla fyrir að ég leggjist í rúmið, en hérna virðist oftar eitthvað vera að mér en hitt. Í síðustu vikur til dæmis byrjaði mig eitthvað að svíða í augað og svo daginn eftir vaknaði ég bara eins og Shrek (þó ekki Shrek 2 eins og yfirmaður minn benti kurteislega á því að hann hefði verið fallegur!) ég var öll bólgin í kringum augað. Ég dreif mig nú samt í vinnuna en eftir því sem leið á daginn skánaði vinstra augað en hægra varð bara helmingi verra fyrir vikið. Ég var farin að líta út fyrir að vera mjög þunglynd þar sem ég reyndi að lúta höfði eins og ég gat svo að fólk sæji þetta ekki og þegar ég spurði hvort að ég mætti ekki bara fara heim gekk það ekki, við erum svo undirmönnuð að það mátti bara ekki við því að missa einn starfsmann heim. Eftir vinnu fór ég svo bara beint til læknis og fékk einhverja dropa og þetta fór jafn fljótt og það kom. Ég er svo bara búin að vera þokkalega hress þangað til í dag ef maður lítur fram hjá nefrennsli og hnerrum. Í dag var ég svo að fara með vagn niður í þvottahús, sem er ekki frásögu færandi nema fyrir þær sakir að þegar ég var að draga vagninn á eftir mér inn í lyftuna heyrði ég að einhver opnaði hana hinumegin frá og ég var svo forvitin að ég varð að kíkka, en samt hélt ég áfram að draga! Eftir smá stund fann ég bara nístandi sársauka á þumlinum, þá hafði hann lent á milli vagnsins og lyftuhurðarinnar (sem lokast alltaf sjálfkrafa en á ekki að gera það) Þannig að nú er ég með bólginn þumal! En egal... Mér líður svo sem vel að öðru leyti og Guðrún er að koma ekki á morgun ekki hinn heldur hinn :) Svo er nachtschilauf finale á miðvikudaginn og ég efast ekki um að ég eigi eftir að koma með eitthvað krassandi hér á fimmtudaginn :)

p.s. lyftan er aftur biluð og ég bý á fjórðu hæð :(

Ég hata blog.central!

2006-03-02T23:08:00.000+01:00

Jæja, nú er ég sko komin með nóg! ég er hætt að púkka upp á þetta blog.central.is, það er nú meira draslið. Ég var búin að sitja í svona hálftíma að skrifa ferðasögu frá Salzburg ferðinni okkar, en nei, hvað haldiði að hafi gerst þegar ég ýtti á staðfesta? jebb, þið giskuðuð öll rétt... það hvarf allt! En nú ætla ég að prófa þetta og ef þetta gengur ekki, þá yfirgef ég bloggheiminn! En jæja, taka tvö... Um 5 leytið í gær fórum ég, Helgi, Andrea og Ólöf í miklum flýti úr vinnunni því að við ætluðum að drífa okkur til Salzburg. Við pökkuðum í flýti og hoppuðum út í bílaleigubílinn sem beið okkar. Ferðin til borgarinnar gekk áfallalaust fyrir sig, þrátt fyrir að við vorum að keyra í myrkri á hraðbrautinni leið sem við höfðum aldrei farið áður. Þegar við komum svo til Salzburg fundum við bílastæðahús mjög misvæðis og ákváðum bara að geyma bílinn þar þangað til við færum heim. Þá hófst leitin að stað til að halla höfði þessa nóttina, sem var alveg að koma og við löbbuðum og löbbuðum. Við þurftum að leyta vel og lengi, því að ekki mátti þetta kosta mikið en þetta þurfti þó að sæma Andreu :) Við fundum svo á endanum hótel og skrifuðum á einhverja pappíra og fengum lyklana. Við þráðum ekkert heitar en að komast upp í rúm, en þegar við opnuðum hurðina að herberginu okkar gaus á móti okkur þessi vonda vonda lykt og Andrea var ekki lengi um að sannfæra okkur um að þetta væri ekki fínu fólki eins og okkur bjóðandi. Við strunsuðum því niður í móttöku aftur og skiluðum lyklunum. Enn á ný stóðum við á götum Salzburg með engan stað til að sofa á. Við fórum því að hótel sem við höfðum séð fyrr um kvöldið og fengum þar fjögurra manna herbergi á 115 evrur nóttina. Það er svo sem ekki mikið þegar búið er að deila þessu í fjóra og sérstaklega ekki fyrir okkur Andreu sem fengum þetta fínasta hjónarúm á meðan Ólöf og Helgi sváfu á einhverjum beddum :) Við hentum nú dótinu okkar bara inn og drifum okkur út aftur því að við þurftum að næra okkur. Það leit nú ekki út fyrir að vera mikið mál, því fyrir utan hótelið var þessi fínasti veitingastaður, við hlömmuðum okkur þar inn og völdum hvað við ætluðum að fá þegar Andrea sagði að það væri sko ekkert sem hana langaði í þarna og hana langaði eitthvað annað.. mein gott.. við skiluðum því matseðlunum og fórum út á götuna, sem við vorum um þetta leytið farin að þekkja eins og lófann á okkur. Við kíktum inn á nokkra veitingastaði en þeir voru allit búnir að loka, enda klukkan farin að nálgast miðnætti. Andrea ákvað að það væri þá betra að kaupa sér schinken käse toast í einhverjum pylsuvagni en að fara aftur á staðinn, þannig að við biðum á meðan hún skóflaði því í sig og æddum svo aftur inn á veitingastaðinn og settumst á borðið okkar :) Þar kom sami þjóninn til okkar og hefur líklega haldið að við værum meira en lítið skrítin :) Við pöntuðum okkur að borða en Andrea sat hjá með kakóbolla. En.. þegar hún sá matinn sem Helgi pantaði sér þá langaði hana líka í :) þannig að við pöntuðum aftur... en þetta endaði svo fljótlega bara upp á hóteli og allit voru saddir og glaðir :) Í morgun rifum við okkur svo á fætur klukkan hálf níu í morgun til að ná að fara á alla túristastaðina í bænum :) við byrjuðum nú bara á þessum fínasta morgunverði á hótelinu og fórum svo með allt dótið í bílinn. Svo löbbuðum við í Höll þarna rétt hjá, sem heitir Schloss Maribell, það er víst einvher sumarhöll sem einhver prins átti fyrir mörgum árum. Garðarnir vöru þvílíkt skipulagðir og ég get varla ýmindað mér hversu fallegt sé þarna að sumri til. Þegar við vorum búin að gleypa í okkur nægan fróðleik um þetta fórum við og kíktum í kaffi til Mozart og fræddumst allt um hans líf og störf, hann samdi víst fullt af tónlist.. En jæja, eftir það fórum við upp á einvherja hæð þar sem stendur gamall kastali, frekar skrítið að skoða þetta, þetta var alveg eins og í Lord of the Rings bara virkisveggir og svo innan í alveg nýr heimur, fróðir menn segja að þetta ku vera stærsti kastali í Evrópu! Svo kíktum við aðeins í kirkjugarðinn.. alveg óvart, en allavegana... svo var það dómkirkjan og þvílík fegurð! Þetta er án efa það fallegasta sem ég hef nokkru sinni séð! við tókum fullt af myndum og vonandi sína þær eitthvað, en það snerti mann alveg að vera þarna inni! Eftir dómkirkjuskoðun tókum við svo hestarúnt í gegnum gamla bæinn, sáum hestaþvottastöðina og svona, fengum alveg fullt af skemmtilegum fróðleik um borgina :) Þegar öllu þessu var lokið var skyldum okkar sem ferðamönnum líka lokið :) Þá tók við næring, því að það tekur sko á að vera túristi! og svo var það verslunargatan! Ég get nú reyndar ekki annað sagt en að ég hafi verið frekar svekkt með H&M en ég fann mér hins vegar puma skó :) þannig að ég gat farið glöð heim, eða svona næstum.. við heyrðum af intersport búð þarna í nágreninu og keyrðum þangað í leiðinni heim og við vorum nokkrum mínútum of sein, það liggur við að þau hafi læst á nefið á okkur! og hún var á þremur hæðum! En við fórum svo bara á McDonalds og brunuðum heim... eða við ætluðum allavegana að bruna heim. Það gekka alveg snuðrulaust fyrir sig fyrrihlutann og ég svaf meira að segja, en þegar við fórum að sjá bæjarnöfn sem við könnuðumst ekki alveg við fórum við að kíkja á kortið og hvað haldiði, fimm mínútur lengur og við hefðum verið komin niður til Ítalíu! úff og æ... við hefðum kannski átt að fyllast grunsemdum þegar við fórum í gegnum eitthvað áttfalt hlið (átta akgreinar) þar sem við þurftum að borga eitthvað tuttugu mínútum áður, en við mundum ekkert eftir þessu síðan í gær... hmm.. En jæja, það var ekkert annað að gera í stöðunni en að snúa við að komast aftur inn á beinu brautina.. og það gekk :) nú erum við komin heim sæl og glöð.. eða nei, svona endaði bloggið sem ég skrifaði áðan.. ég er ekki sæl og glöð núna að hafa þurft að skrifa þetta tvisvar! þannig að þetta endar bara þannig að það er eins gott að þið kvittið fyrir þegar þið eruð búin að lesa þetta, annars er ég hætt!